Umapela si Australian Missionary Sister Patricia Fox sa Department of Justice (DOJ) na baligtarin ang utos na siya ay i-deport.
Batay sa kaniyang isinumiteng sagot sa DOJ, binigyang diin ni Fox na hindi lamang para sa mga Pilipino kundi para din sa mga dayuhang gaya niya ang nakasaad sa saligang batas na karapatan sa malayang pagpapahayag ng saloobin at pagsasagawa ng payapang pagtitipon.
Naniniwala din si Fox na ang desisyon kaugnay sa kanyang kaso ay ibinatay lamang umano sa mga pahayag ni Pangulong Rodrigo Duterte laban sa kaniya at hindi sa anumang legal na argumento.
Dahil wala ng missionary visa at may deportation order, maaari lamang manatili sa bansa si Fox hanggang magdesisyon ang DOJ sa kaniyang apela.
Magugunitang inakusahan ni Pangulong Duterte ang madreng si Fox na kasama umano sa ilang mga kilos protesta na inoorganisa ng mga militanteng grupo.
