Nangangamba ang Chinese company na Sinopharm na maglabas ng bakuna sa Pilipinas dahil sa kumakalat nitong “fake vaccine”.
Ayon kay Presidential Spokesperson Harry Roque, nagpahayag ng takot ang Sinopharm na baka kapag pumasok ito sa bansa ay sa kanila isisi ang side effects ng mga pekeng bakuna sa mga naturukan nito.
Kinumpirma rin ni Roque, na pinasara na ang napapabalitang pekeng Sinopharm factory sa Binondo ng Chinese government.
Magugunitang nuong Disyembre ay tinurukan ang mga miyembro ng PSG ng Sinopharm vaccine.
Ngunit siniguro ni Roque na “authentic” ang mga bakunang itinurok sa mga PSG.
Samantala, nuong pebrero ay inaprubahan ng Food And Drug Administration ang paggamit ng Sinopharm vaccine sa mga personal guards ng presidente.
Sa ngayon, nasa 146 ang tinamaan COVID-19 at nasa “severe” na kondisyon habang 45 ang may aktibong akso sa mga ito.
—sa panulat ni Rashid Locsin
