Masayang ibinalita ngayon ni Miss Universe 3rd runner-up Shamcey Supsup na siya ay nagdadalantao sa kanilang ikalawang anak ng asawang si Lloyd Peter Lee.
Ayon kay Shamcey, apat na buwan na siyang buntis at umaaasa aniya sila na ito’y isang baby boy para quota na.
Sakali aniyang dinggin ng Diyos ang kanilang panalangin ay papangalanan nila itong Peter Nathan.
Matatandaang noong 2016 nang ipanganak ni Shamcey ang kanilang panganay na anak na babae na si Nyla Kelcey.
—-
