Sandamakmak na regalo ang ibinigay ni Sarah Geronimo matapos hindi nakadalo sa binyag ng anak ni Angeline Quinto na si baby Sylvio.
Nabatid na isa si Sarah sa mga ninang ng anak ni Angeline pero hindi ito nakapunta dahil sa kanilang vacation trip ng asawang si Matteo Guidecelli sa Sicily, Italy.
Sa video vlog ni Angeline, makikitang binubuksan nito ang mga regalo mula sa mga godparents ni baby Sylvio kung saan, ikinagulat ng singer ang regalo mula sa popstar royalty.
Nagpasalamat naman si Angeline kay Sarah dahil hindi daw ito nakalimot kahit kailan.
