Kanselado ang trabaho sa lahat ng mga tanggapan na nasa ilalim ng San Juan City Local Government Unit (LGU) ngayong araw marso 13.
Ito ang inanunsyo ni San Juan City Mayor Francis Zamora para magbigay daan ang pagsasagawa ng sanitation at disinfection sa lahat ng opisina, pampublikong paaralan at Punong Tanggapan ng Pulisya, Bureau of Jail Management and penology at Bureau Of Fire protection sa lungsod.
Ayon kay Zamora, tatagal ang paglilinis hanggang sa weekend bilang bahagi ng kanilang ipinatutupad na precautionary measures laban sa pagkalat ng coronavirus disease 2019 (COVID-19).
Samantala, tuloy naman aniya ang trabaho ng mga empleyado ng City Health department, City Disaster Risk and Reduction Management Office at iba pang kritikal na tanggapan.
Sa pinakahuling tala, mayroon nang walong kumpirmadong kaso ng COVID-19 sa San Juan City.
