Pinawi ng Malacañang ang pangamba ng publiko makaraang kumpirmahin ni Senador Bong Go maging ng Presidential Security Group (PSG) na sumemplang habang nagmomotorsiko si Pangulong Rodrigo Duterte, kagabi.
Ayon kay Presidential Spokesman Salvador Panelo, nasa maayos na kalagayan ang Pangulo at tanging galos lamang ang natamo nito kaya’t hindi na kinailangang dalhin sa mga pagamutan.
Hindi naman tiyak si Panelo kung ikakansela ba ng pangulo ang mga presidential events na nakatakdan nitong daluhan ngayong hapon. — ulat ni Jopel Pelenio (Patrol 17)
