Positibo ang Commission on Audit (COA) na mareresolba na ngayong taon ang problema sa plaka ng mga sasakyan.
Matatandaan noong 2015 nagpalabas ng notice of disallowance ang COA sa pag-iisyu ng plaka dahil sa ilang iregularidad na nakita sa procurement ngunit June 2016 nang sabihin ng Korte Suprema na legal at constitutional ang motor vehicle plate standardization program ng Land Transportation Office (LTO).
Ayon kay COA PIO Chief Jonathan Beltran, pinamamadali na ang paggawa ng draft decision upang mabigyan ng go signal ang Land Transportation Office na makapag-isyu muli ng car plates sa milyon-milyong motorista.
Sa ngayon, mahigit 10 milyon ang backlog sa car plates ng lto hindi pa kasama ang mahigit limang libong (5,000) mga sasakyan na nagpaparehistro kada araw.
—-
