Naglabas na ang Philippine Charity Sweepstakes Office o PCSO ng ilang impormasyon kaugnay sa dalawang maghahati sa mahigit isang bilyong pisong pot money sa Ultra Lotto 6/58.
Ang mga nasuwerteng nanalo, ayon sa PCSO ay tumaya sa lotto outlet sa Lucky Circle Corporation sa SM City sa Legaspi City sa Albay at isa naman ay sa Barangay H, Borongan, Eastern Samar.
Papalo sa mahigit 470 million pesos ang maiuuwing premyo ng dalawang mananaya kapag ibabawas ang 20 percent tax sa kabuuang jackpot prize.
Kasabay nito para masagot ang mga duda tiniyak ng PCSO ang paglalabas ng video nang pag-claim ng premyo ng mga nanalo.
Bagamat hindi anito puwedeng ipakita ang mukha at banggitin ang identity ng mga nanalo para na rin sa kanilang kaligtasan.
—-
