Pinangunahan ni Pangulong Rodrigo Duterte ang isang maliit na pagtitipon-tipon ng Petron Dealers Association Mindanao o PATDA sa SMX Convention Center Davao City kahapon.
Sa kanyang talumpati sa harap ng mga negosyante, muling tiniyak ni Pangulong Duterte ang kanyang pangako na labanan ang kurapsyon, kriminalidad at iligal na droga sa bansa.
Iginiit pa ng Pangulo ang pangangailangan na tuluyang matigil na ang kurapsyon at katiwalian dahil hinihila na nito pababa ang bansa.
Binigyang diin din ni Pangulong Duterte na kanyang patuloy na pag-iibayuhin ang batas at kaayusan sa bansa.
Kasama ni Pangulong Duterte na dumalo sa okasyon sina Communication Secretary Martin Andanar, Marinduque Congressman Lord Allan Jay Velasco, Petron Dealers Association President Roberto Sison, at iba pang pinuno at miyembro ng Petron Dealers Association.
Posted by: Robert Eugenio
