Labis na ikinatuwa ng pamilya ni Kian Loyd Delos Santos ang mabilis na pagkakasampa ng kaso laban sa mga pulis na hinihinalang pumatay sa binatilyo.
Ayon kay Public Attorney’s Office (PAO) Chief Persida Acosta, sa unang pagkakataon ay nasulyapan niyang ngumiti ang mga magulang ni Kian Loyd.
Makikita na aniya sa mga mata ng mga magulang ang pag-asa na makakamit ang hustisya sa sinapit ng biktima.
Binigyang diin ni Acosta na maging siya ay nakatulog na rin nang mahimbing noong nakaraang gabi.
Magugunitang kinasuhan na ng murder sina Chief Inspector Amor Cerillo, ang hepe ng Caloocan City Police Station 7; PO3 Arnel Oares; PO1 Jerwin Cruz; at PO1 Jeremias Pereda.
Samantala, sina Oares, Cruz, at Pereda ay nasampahan din ng kasong torture dahil sa nabanggit na insidente.
