Puspusan na ang pagkilos ng pamahalaan upang maipamahagi ang tulong pinansyal sa mga pinaka-apektadong sektor sa coronavirus disease 2019 (COVID-19) pandemic.
Ayon kay Cabinet Secretary Karlo Nograles, P200-B ang inilaan ng pamahalaan para sa tulong na pagkain at pera sa mga pinaka apektadong sektor.
Tinukoy ni Nograles ang mga senior citizens, PWD, buntis at nagpapadedeng nanay, solo parents, lumads, homeless at informal economy workers tulad ng kasambahay, PUV drivers, sari-sari store owners, minimum wage workers na no work no pay ang sitwasyon.
Uunahin anya ang pamamahagi ng pagkain at isusunod ang pinansyal na ibabase sa listahang magmumula sa database ng DSWD at local government units.
This public health crisis has disrupted the lives and livelihoods of many of our countrymen, but government will exert all efforts to ensure that millions of Filipino families are taken-cared of. Hindi po kayo pababayaan ng gobyerno, In the coming days, the DSWD will provide families in need the proper assistance and subsidies,” ani Nograles.
