Nananatiling buhay pa rin ang pag-asa ng pamahalaan na muling magpapatuloy ang usapang pangkapayapaan sa komunistang grupo.
Ito’y makaraang ihayag ng Pangulong Rodrigo Duterte na maglalaan siya ng kalahating bilyong piso para sa mga sugatan at may sakit nang rebelde na magbabalik loob sa pamahalaan.
Ayon kay Labor Secretary at Government Peace Panel Chief Silvestre Bello III, nakasisiguro siyang hindi pa rin inaabandona ng Pangulo ang peace talks dahil layunin niyang maisulong ang pagtatamo ng ganap na kapayapaan sa bansa.
Bagama’t naghihintay na lamang aniya sila ng huling mga tagubilin mula sa Punong Ehekutibo, ibanabala ni Bello na mananatiling suspendido ang peace talks hangga’t hindi aniya tumitigil ang mga komunista sa pag-atake.
