Tila nagpahiwatig na si Interior and Local Government Secretary Mike Sueno hinggil sa paglutang ng dating driver at bodyguard ni Senadora Leila de Lima na si Ronnie Dayan.
Ayon sa Kalihim, bagama’t hindi niya batid kung kailan, nakatitiyak aniya siyang lulutang din si Dayan sa lalong madaling panahon.
Gayunman, tumanggi si Sueno na kumpirmahin kung naaresto na ba si Dayan at kung hawak na ito ngayon ng pamahalaan dahil sa mga ginagawang hakbang ng mga awtoridad.
Sinasabing si Dayan ang missing link hinggil sa koneksyon ni Senadora de Lima sa operasyon ng iligal na droga sa New Bilibid Prisons o NBP dahil sa pagsisilbi nitong bagman at kolektor bukod pa sa pagiging lover ng mambabatas.
By Jaymark Dagala
