Inihayag ng Vatican na gagawing ‘indoor’ na ang pagbibigay mensahe ni Pope Francis para sa holiday season.
Ito’y makaraang magpositibo sa coronavirus disease 2019 (COVID-19) ang dalawang cardinal ng Vatican, at bilang pag-iingat na rin sa posibleng pagkalat ng virus.
Ibig sabihin, sa halip na sa balkonahe ng St. Peter’s Basilica isagawa ang “Urbi et Orbi” o “to the city and the world” —na mensahe ng Santo Papa sa mismong araw ng Pasko, gaganapin na ito sa Hall of Blessings sa Vatican Apostolic Palace.
Habang ang Angelus Prayer naman ni Pope Francis sa ika-26, 27 ng Disyembre at ika-1, 3, at 6 ng Enero ay gaganapin sa library.
