Nadiskubre ng mga awtoridad ang mahigit P90 milyong halaga ng marijuana sa Barangay Loccong, Tinglayan, Kalinga.
Ito’y sa patuloy na operasyon ng marijuana eradication sa malawak na bulubundukin ng naturang lugar.
Sinalakay ng pinagsanib na pwersa ng PNP Kalinga at PDEA ang pitong marijuana plantation site kung saan sinira ng mga awtoridad ang may 225,000 piraso ng fully grown marijuana plants.
Sa kasamaang palad ay bigong mahuli ng mga awtoridadang cultivators sa lugar at malaman kung sino ang nag-mamay ari ng mga malalawak na taniman ng ipinagbabawal na gamot.
