Nasa P250-M na halaga ng pekeng luxury brand items ang nasabat ng Bureau of Customs sa perpetual village, Las Piñas City.
Isinagawa ang operasyon ng pinagsanib na puwersa ng Customs Intelligence and Investigation Service (CIIS)-Manila international container port at National Bureau of Investigation-Special Action Unit.
Ayon kay CIIS director Jeoffrey Tacio, kabilang sa mga nakumpsika ay clothing items, tulad ng mga short, pantalon, t-shirt at mga pabango.
Ang mga nasabing produkto ay pawang imitation ng luxury brands tulad ng Louis Vuitton, Chanel, Hermes, Gucci, Lacoste, Levi’s, Adidas, Nike, Fila, Champion, Zara at H&M.
Inilunsad ang operasyon upang mapigilan ang pagkalat ng mga smuggled at pekeng produkto sa mga pamilihan at maiwasang humantong ang bansa sa pagiging replica capital.
