Timbog ang isang big-time drug pusher matapos marekober mula rito ang 13.9 million pesos na halaga ng shabu sa inilunsad na buy-bust operation sa Barangay Longos, Malabon City.
Kinilala ni malabon Police Chief, Col. Albert Barot ang suspek na si Herssie Ogoy, 23 anyos, residente ng Fatima Street, Barangay Daang Hari, Navotas City.
Si Ogoy ay itinuro ng isa pang drug suspect na si Alejandro Blancaflor alyas “Andy”, residente ng Barangay Muzon, na unang naaresto sa Barangay Dampalit.
Nakumpiska mula sa babaeng suspek ang dalawang malaking Chinese tea bag at isang transparent plastic bag na naglalaman ng nasa dalawang kilo ng shabu.
Nahaharap si Ogoy sa kasong paglabag sa R.A. 9165 o Dangerous Drugs Act.—sa panulat ni Drew Nacino
