Pinaiimbestigahan na ni Bohol Governor Aris Aumentado ang overpriced na pagkain na ibinenta sa mga turista sa Virgin Island sa Panglao, Bohol.
Inatasan na ni Aumentado ang Provincial Board na bumuo ng mga ordinansa at iba pang polisiya na magre-regulate sa industriya ng turismo sa lalawigan.
Maliban pa ito sa imbestigasyon ng Department of Environment and Natural Resources – Central Visayas.
Sa ngayon, agad na sinuspinde ng gobernador ang biyahe ng mga motorbanca sa Virgin Island habang hindi pa tapos ang pagsusuri.
Matatandaang nag-viral ang isang Facebook post kung saan umabot sa 26,000 pesos ang total bill na inorder na pagkain ng mga turista.
Kabilang sa inorder ang 20 pirasong saging na 900 pesos; 3,000 pesos na kinilaw na isda; 1,300 pesos na soft drinks at talaba na nagkakahalaga ng 3,000 pesos.
