Inihayag na ng mga kumpaniya ng langis ang kanilang tapyas-presyo sa mga produktong petrolyo ngayong araw.
Beinte sentimos (P0.20) ang ibabawas sa kada litro ng gasolina; tatlumpu’t limang sentimos (P0.35) sa diesel habang apatnapung sentimos (P0.40) naman sa kerosene.
Alas-12:01 kanina nang magpatupad ng tapyas-presyo ang mga kumpanyang Flying V at Caltex sa gasolina, diesel at kerosene.
Sunod namang nagpatupad ng kanilang tapyas presyo ang mga kumpanyang Shell at Seaoil dakong ala-6:00 ngayong umaga.
Samantala, tanging sa gasolina at diesel lamang mayroong tapyas-presyo ang mga kumpanyang Eastern Petroleum, Unioil, Phoenix Petroleum, PTT Philippines at Jetty Gas sa parehong oras.
By Jaymark Dagala
