Patuloy pa ring ginagamot ang pinuno ng North Korea na si Kim Jong Un matapos sumailalim sa cardiovascular surgery.
Sa inilabas na ulat ng Daily NK, kasulukuyan pang naka-isolate sa isang villa sa Mount Kumgang sa Hyangsan Province si Kim matapos ng kanyang medical procedure.
Agosto pa umano ng nakaraang taon ng magsimulang makaranas ng problema sa puso si Kim at lumala nitong mga nakaraang buwan dahil sa matinding paninigarilyo, obesity at sobrang pagtatrabaho.
Unang lumabas ang mga ulat hinggil sa kalagayan ng kalusugan ni Kim matapos itong mabigong dumalo sa ilang mahahalagang okasyon sa North Korea kabilang na ang anibersaryo ng kaarawan ng kanilang founding father na si Kim Il Sung.
Huling nakita sa publiko si Kim noong Abril 11 matapos pangunahan ang pulong ng isang komite ng kanilang ruling party.
