Niresbakan ni National Democratic Front of the Philippines Senior Adviser Luis Jalandoni si Pangulong Rodrigo Duterte matapos nitong lagdaan ang proklamasyon na nagdedeklara sa Communist Party of the Philippines at Armed Wing nitong New People’s Army bilang teroristang grupo.
Ayon kay Jalandoni, hindi maniniwala ang taumbayan na ang CPP-NPA ay teroristang grupo dahil ang katotohanan ay mismong si Pangulong Duterte ang terorista dahil sa dami ng pinapatay nito sa kanyang drug war.
Sa ilalim ng Proclamation 374 na nilagdaan ng Pangulo, idineklara ang CPP-NPA bilang terror group sa ilalim ng Republic Act no. 10168 or The Terrorism Financing Prevention and Suppression Act of 2012.
Magugunita noong isang buwan ay tuluyan ng pinutol ng punong ehekutibo ang usapang pang-kapayapaan sa pagitan ng gobyerno at komunistang grupo dahil sa mga pag-atake ng NPA sa mga pulis at sundalo.
