Pinagtibay ng Kamara ang committee report na nagrerekomendang kasuhan sina Health Secretary Francisco Duque III at dating Food and Drug Administration (FDA) Chief Eric Domingo.
Ito ay bunsod ng mabagal umanong pag-apruba ng aplikasyon ng mga gagamiting gamot kontra COVID-19.
Inirekomenda ng House Committee on Good Government and Public Accountability na sampahan ang dalawa ng kasong paglabag sa Section 4 ng Code of Conduct and Ethical Standards for Public Officials and Employees at Section 38 ng Executive Order 292.
Inirekomenda rin nito ang paghahain ng reklamo para sa paglabag sa Section 8 at 21 ng Anti-Red Tape Act of 2007 laban kina Duque, Domingo at FDA Center for Drug Regulation and Research Director Joyce Cirunay.
