Nagsimula nang dumagsa ang mga pasahero sa mga bus terminal ngayong araw bilang paghahanda sa paggunita ng Semana Santa.
Dumagsa ang mga pasahero sa Araneta Bus Terminal maging sa iba pang terminal ng bus sa Metro Manila.
Siniguro naman ng Southern Luzon Bus Operators Association, na sapat ang kanilang mga bus sa posibleng pagdami pa ng mga pasahero.
Ayon kay Homer Mercado, Director ng asosasyon, itinaas na sa isangdaang porsyento ang kapasidad sa loob ng mga bus at wala ding magiging pagtaas sa presyo ng pamasahe sa kabila ng mataas na presyo ng langis.
Inaasahan naman na mas dadagsa pa ang bilang ng mga pasahero sa mga bus terminal sa susunod na linggo. - sa panulat ni Angelica Doctolero
