Nanindigan si dating Department of Interior and Local Government o DILG Secretary Mike Sueno na hindi siya tiwali.
Bagamat iginagalang ni Sueno ang pagkakasibak sa kanya ni Pangulong Rodrigo Duterte, posible anyang binigyan ng maling impormasyon ang Presidente ng mga taong naghahangad makuha ang kanyang posisyon bilang kalihim ng DILG.
Tiniyak ni Sueno sa Pangulo ang kanyang kredibilidad kahit pa, aniya, ipagtanong sa mga tauhan ng ahensya.
Giit ni Sueno, malinis ang kanyang konsensya kaya handa siyang harapin ang anumang imbestigasyon sa kanya.
By Avee Devierte |With Report from Jonathan Andal
