Bubuksan ng Metropolitan Manila Development Authority (MMDA) ang u-turn slot sa harap ng Quezon City Academy simula sa Biyernes, December 18.
Ito ang inihayag ni MMDA General Manager Jojo Garcia sa kanyang pagdalo sa pagdinig ng house committee on Metro Manila Development.
Ayon kay Garcia, ang naturang pasiya ay resulta ng kanilang pakikipag-ugnayan sa lokal na pamahalaan kung saan ang mga tauhan ng Quezon City Department of Public Order and Safety ang magmamando sa trapiko.
Sinabi ni Garcia, makatutulong ang pagbubukas ng u-turn slot sa QC academy para maibsan ang congestion ng trapiko sa lugar bunsod ng konstruksyon ng elevated busway sa Balintawak at Quezon Avenue.
Maliban dito, magbubukas din ng maliit na bahagi ng busway sa Dario bridge para makapagbigay daan sa mga emergency vehicles na magtutungo ng Quezon City General Hospital.
