Tahasang inakusahan ng Saudi Arabia ang Iran bilang pasimuno ng “Global Terrorism”.
Ito ang inihayag ni Saudi King Salman Bin Abdulaziz sa pagbisita ni US President Donald Trump sa Saudi Arabia.
Ayon kay King Salman, responsibilidad ng Saudi na protektahan kanilang mamamayan sa ngalan ng Diyos at magkaisa laban sa masama at terorismo.
Hindi anya sila magdadalawang-isip na kalabanin o parusahan ang sinumang nagtatangkang magpondo o sumuporta sa mga teroristang grupo.
Kapwa mortal na magkalaban ang Saudi Arabia at Iran dahil sa pagkakaiba ng paniniwala sa relihiyong Islam kung saan pawang Sunni Muslim ang mayorya ng Saudi habang Shia Muslim ang mga Iranian.
Magkalaban din ang dalawang bansa pagdating sa pagiging regional power sa Middle East.
By Drew Nacino
