Maaari nang mamili ng brand ng bakuna ang mga health workers na magpapabakuna kontra COVID-19.
Ito’y matapos dumating ang mga bakunang AstraZeneca mula sa Covax Facility.
Ayon kay Sen. Christopher ‘Bong’ Go, karapatan ng mga frontliners na mamili ng brand ng bakuna na ituturok sa kanila dahil sila ang lumalaban sa giyera kontra COVID-19.
Dagdag pa ni Go, kailangan magtiwala ang publiko sa mga bakuna upang matapos na ang pandemya sa bansa.
Samantala, sinabi ni Go, ikinatuwa ng Pangulong Rodrigo Duterte ang nangyayaring national vaccination program sa bansa dahil maraming health workers ang nagpapaturok ng bakuna kontra COVID-19. —sa panulat ni Rashid Locsin
