Gubyerno at pribadong sektor dapat magtulungan sa rehabilitasyon ng Marawi City

Nangako ng suporta si Senadora Loren Legarda para sa muling pagbangon ng Marawi City sa sandaling matapos na ang bakbakan sa pagitan ng militar at ng Maute Terror Group.

Ayon kay Legarda, dapat muling mapa-unlad ang naturang lungsod sa aspetong pulitikal, panlipunan at pangkalikasan lalo’t malaki ang naging pinsala nito mula sa bakbakan.

Maliban sa pambansang pondo para sa taong ito, dapat ilaan din ang official development assistance mula sa pamahalaan sa pakikipagtulungan ng pribadong sektor para masimulan ang rehabilitasyon ng lungsod.

Sa aspeto naman ng negosyo at pamumuhunan, sinabi ni Legarda na dapat munang maging sentro ng turismo ang Marawi upang lalong mapaunlad at magbalik ang sigla ng lungsod.

By: Jaymark Dagala / Cely Bueno

Comments

comments