Ibinahagi ng actress-musician na si Saab Magalona ang magiging gender ng kanilang twins ng asawang si Jim Bacarro.
Kasabay ito ng pagdiriwang ng kanyang 29th birthday.
Sa kanyang Instagram account, sinabi ni Saab na hindi niya inaasahang kapwa magiging lalaki at babae ang kanilang magiging panganay.
Aniya inakala nilang mag-asawa na parehong magiging lalaki ang kanilang kambal dahil unang nakita na identical ang mga ito.
Hiling din ni Saab na kapwa maging malusog at ligtas ang kanyang panganganak sa kanilang kambal.
Si Saab at Jim ay ikinasal noong 2015 sa Baguio at inanunsyo ng aktres ang kanyang pagbubuntis sa kanilang twins nitong unang bahagi ng taon.
—-
