Nagnegatibo na sa coronavirus disease 2019 (COVID-19) si dating pangulong Erap Estrada.
Sa isang post online, sinabi ng anak nito na si dating senador Jinggoy Estrada na kanilang ikinatuwa ang tuluyang paggaling ng dating pangulo.
Dahil dito, ani Jinggoy, umaasa ang kanilang pamilya na kalaunan ay papayagan nang makalipat ng regular na kwarto.
Sa ngayon, nananatiling naka-high flow oxygen ang dating pangulo at pinayagan na itong mag-soft diet.
Sa kabila nito, patuloy na nananawagan ang Pamilya Estrada sa publiko para ipagdasal ang patuloy na pagbuti at paglakas ng pangangatawan ni dating pangulong Estrada.
