Walang planong umatras sa pagtakbo si Republican presidential candidate Donald Trump.
Ito ay sa harap ng kabi-kabilang batikos na inaabot ni Trump dahil sa pahayag nitong dapat pagbawalan ang lahat ng mga Muslim na pumasok sa Estados Unidos.
Nagbabala din si Trump sa kanyang partido na tatakbo ito bilang independent kung gumawa ang mga ito ng pagkilos laban sa kanya.
Iginiit ni Trump na nabuhay siya upang manalo lalo pa’t madalang aniya siyang natatalo.
Nangangamba kasi ang Republicans na baka mahati ang boto para sa kanilang partido kay Trump na maging bentahe naman para manalo ang mamanukin ng democrats.
By Ralph Obina
