Tinawag na circus ni Senadora Liela de Lima ang disbarment case na isinampa laban sa kaniya ng Volunteers Against Crime and Corruption o VACC.
Ayon kay De Lima kahit saan naman aniyang circus ay mayroong clown tulad ni VACC Founding Chairman Dante Jimenez na lagi aniyang nagpapatawa.
Sinabi ng Senadora, isang nakapandidiring payaso si Jimenez suot ang isang nakatatakot na maskara na hayok aniya na maging laman ng mga balita sa halip na humanap ng katotohanan at katarungan para sa libu-libong biktima ng patayan na may kinalaman sa droga sa bansa.
Kasunod nito, tinawag namang mga anino ni De Lima sina dating NBI Deputy Director Rey Esmeralda at Ruel Lasala gayundin si Sandra Cam na pinapagalaw ng isa aniyang master puppeteer.
By: Jaymark Dagala / Cely Bueno
