Hindi pa tiyak kung makakadalo ang dating Pangulong Noynoy Aquino sa pina agang paggunita sa EDSA People Power One bukas, February 24.
Ayon kay Senior Deputy Executive Secretary Menardo Guevarra hinihintay pa nila ang sagot ng dating Pangulong Aquino matapos nilang ipadala nuong isang linggo ang imbitasyon dito.
Samantala ipinabatid naman ni Special Assistant to the President Bong Go na hindi dadalo sa selebrasyon ang Pagulong Rodrigo Duterte.
Sa programa bukas pararangalan ng Spirit of EDSA Foundation ang wheelchair attendant sa NAIA na si Valiente Namion matapos magsauli ng isang pouch na naiwan sa conveyor ng NAIA terminal 1 na naglalaman ng mahigit Isandaang Libong Piso.
Pararangalan din si 1995 Bb Pilipinas International Sabrina Artadi dahil sa adbokasiya nito sa pagtulong sa mga batang lansangan sa pamamagitan ng feeding program.
By: Judith Larino / Aileen Taliping
