Tiniyak ni House Speaker Alan Peter Cayetano ang pagsasagawa ng check and balance sa mga dagdag na kapangyarihang ipinagkaloob ng Kongreso sa Pangulong Rodrigo Duterte para labanan ang coronavirus disease 2019 (COVID-19).
Bukod pa ito, ayon kay Cayetano sa joint oversight committee na bubuuin ng apat na kinatawan mula sa Kamara at Senado na siyang pagbibigyan ng ulat ng Pangulong Duterte kada linggo.
Una nang bumuo ng AD HOC Committee ang Kamara kung saan si Cayetano magsisilbing chairman at co-chairman naman si Majority Leader Martin Romualdez.
Ang Defeat COVID-19 Committee (DCC) ayon kay Cayetano ay magsisilbing working committee na makikipag tulungan sa oversight committee para matiyak na hindi maaabuso ang kapangyarihan ng pangulo sa ilalim ng bayanihan to heal as one act.
