FEATURES

Ikinasa ng SM group ang art exhibits sa tatlong Supermalls nito bilang suporta sa kahalagahan ng nature preservation.

Inilunsad ng SM City Cebu, SM City Consolacion at SM Center Ormc ang Beyond Green:  Where art Meets Sustainability Exhibit kung saan tampok ang local artists na tagumpay sa pagko-convert ng mga basura nila bilang masterpieces.

Makikita sa SM City Cebu ang masterpiece nina landscape architect at kilalang Gardener at Plant Collector na si Jaime Chua at Driftwood Sculptor James Doran-Webb sa display ng mga ibon tulad ng Philippine cockatoo, swan, eagle, roosters, owls, ang sariling fruit bat ng Pilipinas at kalaw na pawang gawa sa kahoy bilang pagpapakita ng kagandahan ng kalikasan.

Nakipagsanib puwersa naman ang SM City Consolacion sa Seed4com, isa sa local organizations na nagpasimula ng sustainability sa Pilipinas para ipakita sa publiko ang mga masterpiece mula sa eco artists at National Clean Up Ambassadfort na si Pedro Angco, Jr. katuwang naman ang community partner nitong Caohagan Women.

Ipinagmamalaki ni Angco ang art pieces niyang gawa sa mga patapong tsinelas na goma na kanyang nakolekta sa isa sa kanyang ocean cleanups activities.

Ipinakita naman ng Caohagan Women quilts ang hand stitched quilts o mats na gawa mismo ng mga residente ng Caohagan island kung saan 1996 pa ito sinimulang gawin ng mga residente sa tulong ni dating Mcgraw Hill Incorporated Japan President Katsuhiko Sakiyama at Designer na si Junko Sakiyama.

Samantala, mabubusog naman ang mata ng mallgoers sa SM Center Ormoc sa masisilayang masterpiece ng mga estudyante ng New Ormoc City National High School Special Program in the arts kung saan ikinonvert sa mixed media artwork ang mga basura na unang pagtatangka ng mga mag a aral na bumuo ng mixed media art.

Bilang responsableng miyembro ng komunidad hindi bibitiw ang SM Group sa pagpapatupad ng mga programa at akbitidad na makakatulong at makapagbibigay ng inspirasyon sa mga pilipino sa pagbibigay halaga sa kalikasan.

 Una na ring ikinakasa ng sm supermalls ang buwanang trash to cash program, electronic waste collection program at plastic waste collection program katuwang ang plastic credit exhcange.

Tuluy-tuloy ang misyon ng SM Foundation Incorporated (SMFI) para makapagbigay ng libreng medical care at services sa mga residente ng Luzon hanggang Mindanao.

Sa gitna ito nang determinasyon ng SMFI na maabot ang mga Pilipinong may pangangailangang medikal lalo na mula low-income communities.

Pinakahuling binisita ng medical mission team ang Tuguegarao at Cauayan sa Northern Luzon para magbigay ng serbisyo partikular kina Roland Bariuan, isang tricycle driver mula sa Tuguegarao at Angeline Cacanindin, isang househelper mula sa Cagayan Valley.

Ayon kay Roland Bariuan, 2021 nang manghina siya dahilan kayat kinailangan niyang gumastos para magpa check-up kung saan lumabas na diabetic na siya.

Itinatak niya aniya sa isip niyang kailangang magpalakas siya ng katawan para sa kanyang pamilya at isa ang medical mission ng SM group sa pangunguna ng SMFI sa kanyang nasandalan sa pakikibaka sa kanyang sakit.

Sinabi ni Rolando na malaki ang pasasalamat niya sa SMFI dahil sinagot ng medical mission ang lahat ng medical tests sa kanya tulad ng blood test, x-ray gayundin ang mga gamot na hindi niya kakayanin ang gastos kung huhugot lamang siya sa kanyang sariling bulsa.

Isa rin si Angeline Cacanindin sa natulungan ng medical mission ng SMFI matapos maayos ang ngipin ng kanyang bunsong anak na nagrereklamo ng pananakit ng ngipin dahilan kayat hindi ito makakain at makapasok.

Sinabi ni Angeline na malaking tulong ang nasabing medical mission sa SM City Cauayan para mabunutan ng ngipin ang kanyang anak at mabigyan ito ng paracetamol, antibiotics at maging vitaimins bukod pa sa dental hygiene tips ng volunteer dentists ng SMFI.

Kaugnay nito, tiniyak ng SMFI ang patuloy na serbisyo sa mga Pilipino sa pamamagitan ng mga program ng SM group.

Halos 54 billion pesos ang naipalabas ng Pag-IBIG bilang cash loans o short term loans nuong nakalipas na taon.

Ayon sa Pag-IBIG, ang nasabing cash loans nuong 2022 ay napakinabangan ng mahigit dalawang milyong miyembro ng Pag-IBIG na siyang pinakamataas o record high beneficiaries.

Para sa taong 2022, ipinabatid ng Pag-IBIG na itinaas nito sa 21% ang mahigit siyam na bilyong piso ang inilaan para sa short-term loans kumpara sa mahigit 44 billion pesos na kabuuang loan nuong 2021.

 Dahil tumaas ang ipinalabas na cash loan ipinagmalaki ng Pag-IBIG na mas marami rin ang miyembrong natulungan o nadagdagan ng 24% ang mga nakinabang sa short term loans nuong nakalipas na taon.

Binigyang-diin ni Secretary Jose Rizalino Acuzar ng Department of Human Settlements and Urban Development (DHSUD) at 11 member Pag-IBIG Fund Board of Trustees na tuluy-tuloy ang pagpapaigting nila sa mga hakbangin para makapagbigay ng magandang serbisyo sa mga miyembro ng pag ibig partikular sa pamamagitan ng short term loan program ng ahensya.

Bahagi rin naman aniya ito ng direktiba ng Pangulong Ferdinand Bongbong Marcos, Jr. na ibigay sa mga Pilipino ang anito’y the best service.

Nasa ilalim ng Short Term Loan Program ang Multi-Purpose Loan (MPL) na napakinabangan ng mahigit dalawang milyong miyembro nuong isang taon at calamity loan na halos tatlong daang libong miyembro ang nakapag avail.

Ayon kay Pag-IBIG Chief Executive Officer Marilene Acosta ang pagiging reliable at mabilis na access sa pag- avail sa MPL at calamity loan ang pangunahing nagtutulak sa matatag na paglago ng Pag-IBIG.

Isang kasunduan ang nilagdaan ng Philippine Health Insurance Corporation (PhilHealth) at Department of Information and Communication Technology (DICT).

Ito’y ayon sa PhilHealth para magkaruon ng synchronized at well-coordinated ICT system bukod sa higit pang matiyak ang integration, interoperability at interconnection ng systems at applications ng dalawang ahensya.

Dahil sa Memorandum of Agreement tiniyak ng philhealth ang pagpapalakas pa ng serbisyo sa 111 million Filipinos kahit nasa ibayong dagat pa.

Binigyang-diin ni PhilHealth Chief Emmanuel Ledesma, Jr. na malaking bagay ang pagkakasa ng nasabing kasunduan bilang tugon sa direktiba ng Pangulong Ferdinand Bong Bong Marcos, Jr. na paigtingin pa ang serbisyo sa mga Pilipino.

Itinuturing naman ni DICT Secretary Ivan John Uy na “Milestone” Sa pagsusulong ng e-governance ang naturang hakbangin na kasagutan sa matagal na aniyang hamon nang pagdi digitize ng public health care.

Special treat para sa mga kababaihan!

Tuluy-tuloy ang pagdiriwang ng Women’s Month sa SM Megamall.

Kasunod na rin ito nang paglulunsad ng SM Megamall ng “Feast on Beauty”, ang kauna unahang collaboration ng food and beauty brand experience sa Pilipinas kung saan mabibili mula March 6 hanggang 19, ang unique, one of a kind at special edition products mula sa piling iconic at Evergreen brands.

Kabilang dito ang new twist ng Estee Lauder x Salon De The’s Double Wear Macaroons na nagbibigay ng naturale look sa pamamagitan ng nude colors nito at kapag bumili ng isang box, feeling nasa Paris na kayo sa loob lamang ng SM Megamall.

Sanib-puwersa naman ang Origins at Satchmi para sa refreshing drinks na good for the skin sa pamamagitan ng ginzing energizing gel cream with caffeine and niacinamide ng origin at house blend iced tea at coffee latte ng Satchmi.

Mas pinaganda ang brighthening serum ng clinique dahil sa soft serve ice cream in a waffle cone na mabibili sa The Lost Bread.

Cool for summer talaga dahil ang hair, body at skin care brand na Aveda ay may hatid na refreshing project pop shake ice pop na dairy free at vegan friendly.

Para sa yogurt lovers, avail na sa limited edition yogurt mula sa the body shop at Blk 153.

Hindi pupuwedeng palampasin ang orange collagen yogurt ng Koomi at Innisfree’s bukod sa iba pang #guiltlessgoodness treats tulad ng brigthening pore serum, green tea seed serum at retinol cica repair ampoule para sa glowing skin.

Maghanda sa masasarap na vegan treats mula sa Cupcakes by Sonja’s inspired by Lush at I-check ang booth nila for more of their concoctions.

Ito naman ang kakaibang limited edition donuts na inspired by natural skin care and wellness brand sa pamamagitan ng collaboration ng pili ani at sunday bake.

Hindi naman papahuli ang refreshing drinks ng nineteen degrees at inspired sa Italy’s number one make up brand na Kiko Milano.

So ano pa ang hinihintay mo gurl?

Sugod na sa Mega Fashion Hall ng SM Megamall para mapasakamay ang amazing products na ito sa “feast on beauty” booths.

Before heading to Mega, siguraduhin munang mabisita ang kanilang website at i-follow sa social media ang @smsupermalls para updated sa beauty and dining deal, dito lamang sa SM.

Paalala ng SM, gamitin ang hashtag: #MegaFeastOnBeauty

Patuloy sa pagyabong ang online gaming industry sa bansa.

 Kaya naman, ang SM Cyberzone na pinakamalaking chain ng IT retail stores sa buong bansa at nanguna sa community e-sports simula 2014 ay mahigpit na sumusuporta sa grassroots gaming community.

 Ang SM Cyberzone ay nakapagtaguyod ng gaming programs na kinilala sa buong bansa mula 2016 hanggang 2019 at patuloy sa pagkakasa ng tournament activities katuwang ang global e-sports organizations.

 Sa taong ito, muling bibigyan ng spotlight ng SM Cyberzone ang Filipino gaming industry sa pamamagitan ng Cyberzone game fest 2023 na isasagawa sa piling SM Malls sa buong bansa mula marso hanggang Mayo.

 Ang SM Cyberzone ay nasa ika-walong taon na at tulad nang naging misyon nito sa mga nakalipas na taon ay magbibigay ng exciting e-sports tournaments at best gaming gear para sa lahat ng nangangailangan at gusto nito.

 Tututukan sa 2023 game fest ng SM Cyberzone ang the gaming arena: Valorant community tournament, The Gamers Lounge and The Retro Zone, highlight sa local game developers at exciting deals and promos mula sa SM Supermalls.

Matagumpay na naikasa ng SM Supermalls ang pagbabalik ng SM2SM Run activity nito sa SM Cebu makalipas ang dalawang taon para na rin sa Cebu Newspaper Workers Foundation Incorporated.

 Sa ika-11 taon, ang SM2SM run ay itinuturing na isa sa pinakamalaki at cash rich running events sa visayas na inaabangan ng local at foreign runners tuwing unang quarter ng taon.

 Ayon kay Marissa Fernan, Vice President ng SM Prime Holdings Incorporated, natutuwa sila sa halos 10,000 nakiisa sa SM2SM Run event kung saan sila namahagi ng mahigit 50 raffle prizes at asahan aniya ang mas malalaki pang pa premyo sa SM2SM run event sa susunod na taon.

 Nakatuwang ng SM Supermalls sa nasabing event ang Philippine Red Cross, Emergency Rescue Unit, Radio Emergency Assistance Volunteer Organization, Perpetual Succour Hospital at Talisay City Disaster Risk Reduction Management Office para tumugon sa emergency cases.

 Bahagi ng category ang 4K, 8K, 12K, 21K at dagdag na exclusive category para sa Persons with Disabilities (PWDs) na nag enjoy rin sa malalaking pa premyong nakuha nila.

Inilunsad ng Philantropist na si Mother Ricky Reyes ang libro nitong taos puso na umiikot sa pagsisimula nang itinayo niya mismong Child Haus o Center for Child Improvement and Life Development nuong 2002.

 Malaking bahagi ng nilalaman ng nasabing libro ang naging malaking tulong at suporta ni Hans Sy, Chairman for Executive Committee ng SM.

 Sa pamamagitan nito nang pagdo-donate ni Sy ng pitong palapag na gusali na nagsilbing tahanan ng mahigit 19,000 cancer patients at guardians ng mga ito.

 Sinabi ni Mother Ricky na ang librong taos puso ay tribute sa maraming aniya’y generous donors tulad ni Ty para sa isang kapaki pakinabang na proyekto.

Matagumpay ang ikinasang bloodletting event ng Eternal Gardens Cabanatuan.

Katuwang ang Philippine Red Cross Nueva Ecija Chapter ang nasabing post Valentine’s Day Blood Letting event na tinaguriang ‘’Give Love, Give Blood’’ ay ginanap mismo sa office training room ng Eternal Gardens Cabanatuan.

 Bahagi ito ng adbokasiya ng Eternal Gardens Cabanatuan bilang suporta sa social at economic programs ng gobyerno at ambag na rin sa pag unlad ng komunidad.

 Kabilang sa mga nag donate ng dugo ang mga officers at staff ng Eternal Gardens Cabanatuan gayundin ang mga miyembro ng Cabanatuan City (LGU).

 Ang nasabing blood letting activity ay sinimulan ng Eternal Gardens Cabanatuan at Red Cross local chapter nuong 2018 subalit natigil dahil sa pandemya.