Magpapatupad ng segregation sa mga dayuhan at lokal na drug lords sa New Bilibid Prisons si Bureau of Corrections (BuCor) Director Ronald Dela Rosa.
Ayon kay Dela Rosa, ibabalik niya sa Building 14 ng Bilibid ang drug lords.
Tiniyak din ni “Bato” na agad siyang magpapatupad ng mga reporma sa NBP kahit na malaking problema ngayon ang kawalan ng budget sa BuCor.
Samantala, tiniyak naman ni Justice Secretary Menardo Guevarra na isusulong niya ang mas mataas na budget ng BuCor para sa susunod na taon lalo’t mahigpit ang bilin ni Pangulong Rodrigo Duterte na bigyang prayoridad ang problema sa iligal na droga at terorismo.
