Tinatayang aabot na sa 12 ang mga naitatalang bilang ng mga nasawi bunsod ng pananalasa ng Super Bagyong Lawin.
Gayunman, nilinaw ng National Disaster Risk Reduction and Management Council o NDRRMC na Pito pa lamang ang kumpirmadong casualty habang patuloy pang bineberipika ang may lima pa.
Ayon kay NDRRMC Spokesperson Mina Marasigan, pawang nagmula sa Cordillera Region ang mga nasawi kung saan, karamihan sa mga ito ay natabunan ng lupa habang natutulog.
Samantala, ini-ulat din ni Marasigan na bagama’t may ilang evacuees na ang nagsi-uwian sa kanilang mga tahanan, nananatili pa rin ang may sampung libong pamilya sa mahigit Tatlongdaang evacuation center sa Hilaga, Gitna at Katimugang Luzon kabilang na ang Bicol region.
By: Jaymark Dagala
