Papalo na sa 13 ang bilang ng mga nasawi habang nasa 42 naman ang naitalang nasugatan sa kasagsagan ng paggunita ng mga Pilipino sa Semana Santa ngayong taon.
Ayon sa National Disaster Risk Reduction and Management Council o NDRRMC, ilan sa mga lalawigang nakapagtala ng casualty ay sa Regions 2, 3, 4-a, 10 at CAR.
Karamihan sa mga nasawi batay sa tala ng National Disaster Risk Reduction and Management Council ay pawang mga biktima ng pagkalunod.
Nasa 19 na insidente naman ang namonitor ng NDRRMC sa mga nasabing rehiyon na kinabibilangan ng vehicular accidents at sunog.
By: Jaymark Dagala
