Pinakikilos ng isang arsobispo ang Simbahang Katolika para masolusyunan ang problema ng bansa hinggil sa epekto ng El Niño phenomenon.
Ayon kay Lipa Archbishop Ramon Arguelles, Chairman ng CBCP Permanent Committee on Public Affairs, kinakailangang buhayin muli ang bayanihan upang matulungan ang mga magsasaka partikular na sa Mindanao.
Aniya, marami kasing magsasaka na araw-araw nagpapakapagod para may magawang pagkain para sa kapwa ngunit sila mismo ay nakararanas ng matinding gutom dahil sa pagkalugi.
Giit pa ni Arguelles, wala na siyang tiwala sa pamahalaan na matutugunan pa nito ang kasalukuyang problema ng mga magsasaka kaya’t kinakailangan na ang aksyon mula sa mga mamamayan at simbahan para matugunan ito.
By Jaymark Dagala
