Pinangalanan na ni incoming Philippine National Police (PNP) Chief, Gen. Ronald dela Rosa ang kanyang magiging spokesman at hepe ng Public Information Office sa katauhan ni Senior Supt. Jonardo Carlos.
Si Carlos na miyembro ng PMA Class of 1988 ang dating tagapagsalita ng National Capital Region Police Office at naging Chief of Staff sa Police Regional Office-7.
Sa kasalukuyan ay hepe ng PNP-Directorial Staff ng Cebu Provincial Police Office si Carlos.
Samantala, kinumpirma rin ni Dela rosa na magiging regional director na si Chief Supt. Wilben Mayor na kasalukuyang spokesman ng PNP subalit hindi tinukoy kung saan ito itatalaga.
By Drew Nacino | Jonathan Andal
