Nasawi ang walong bata sa Cambodia habang nawawala naman ang tatlong iba pa matapos lumubog ang sinasakyan nilang bangka.
Ayon sa Cambodian police, lulan ng bangka ang mga bata na pauwi na sana mula sa klase nang lumubog ito sa Mekong river.
Tinatayang nasa 12 hanggang 15 ang edad ng mga bata.
Paliwanag pa ng awtoridad, overloading ang dahilan ng paglubog dahil sa malakas na alon.
Nailigtas naman ang apat na sakay nito kabilang ang dalawang boat operators at dalawang mag-aaral.
Sa ngayon, nagpaabot na ng pakikiramay si Cambodian prime minister Hun Sen sa mga pamilya ng nasawi.
