Natagpuan ang isang batang babae sa ilalim ng hagdan sa isang bahay sa New York, matapos siyang maiulat na nawawala dalawang taon na ang nakakalipas.
Hinala ng mga pulis, dinukot ang batang paislee shultis, anim na taong gulang ng sarili niyang mga magulang dahil hindi ang mga ito ang legal custodian niya.
Kinilala naman ang mga magulang ng bata na sina Kimberly Cooper, 33-anyos at Kirk Shultis Jr., 32-anyos
Matapos makatanggap ang pulisya ng tip tungkol sa kinaroroonan ng batang shultis natagpuan siya sa isang maliit at madilim na kuwarto sa ilalim ng hagdan sa bahay ng kaniyang lolong si Kirk Shultis, 57-anyos.
Ayon sa paramedics na tumingin sa bata, maayos naman ang kalagayan nito.
Samantala, ibinalik si Shultis sa kaniyang legal guardian habang inaresto naman ang kaniyang mga magulang at lolo na ngayon ay nahaharap sa reklamong Custodial Enterference at Endangering the Welfare of a Child. - sa panulat ni Mara Valle
