Umabot na sa full capacity ang ilang wards ng Pasay City General Hospital, kabilang na ang mga nakalaan para sa COVID-19 cases.
Ipinabatid ng Pasay City Public Information Office na punuan na ang emergency room, critical care ward, medical ward, COVID ward at COVID ICU ng nasabing pagamutan.
17 ang nasa waiting list para sa ER admission.
Pinapayuhan naman ang publiko na dalhin na lamang ang mga pasyente sa ibang healthcare facilities para sa wastong pamamahala.
