Lima ang sugatan habang 19 ang naaresto sa shooting incident sa General Tinio, Nueva Ecija.
Sangkot sa barilan ang security personnel ni Incumbent Mayor Isidro Pajarillaga at Virgillio Bote na tumatakbo namang mayor.
Ayon kay PNP Spokesperson Police Colonel Jean Fajardo, mabilis na nakaresponde ang mga pulis kaya naabutan pa ang magkabilang-panig noong sabado.
Narekober sa kanila ang iba’t-ibang kalibre ng baril kabilang ang limang M-16 rifle, 12 caliber 45 at isang 12-gauge 9 shotgun.
Ang General Tinio ay nasa ilalim ng control ng Commission of Elections (COMELEC) dahil sa mga election-related violence.
Mahaharap naman ang mga sangkot sa kasong frustrated murder at paglabag sa Republic Act 10591 o Comprehensive Firearms and Ammunition Regulation Act at Omnibus Election Code.
