Naaktuhan ni Pasig City Police Chief Orlando Yebra ang apat na pulis na natutulog habang naka-duty.
Kinilala ang mga pulis na sina SPO1 Ricardo Allapitan, SPO1 Rustom Valdez, PO3 Higino Dancel at PO2 Apolo Labrador na pawang natutulog sa loob ng Pasig City CPS Investigation Section and Traffic Section.
Bukod sa mga nasabing pulis, dalawa pang kabaro ng mga ito ang hindi nakita ni Yebra sa police station kahit naka-duty ang mga ito.
Mensahe sa mga natutulog na pulis
Pasensyahan na lang…
Ito naman ang babala ni National Capital Region Police Office o NCRPO Chief Eleazar sa lahat ng mga pulis na mahuhuling tutulog-tulog habang naka-duty.
Sa panayam ng DWIZ, sinabi ni Eleazar na magtutuloy-tuloy ang kanyang sorpresang inspeksyon upang makita kung gaano kaalerto ang mga pulis.
Kasabay nito, hinikayat din ni Eleazar ang mga commander na gawin ang pag-iikot ng gabi para malaman kung ginagampanan ng mga naka-duty na pulis ang kanilang mga mandato.
Ralph Obina / (Ratsada Balita Interview)
