Patay ang apat (4) katao sa pagsabog ng isang improvised explosive device (IED) sa bayan ng Datu Saudi Ampatuan, Maguindanao.
Ayon kay Second Mechanized Infantry Battalion Commander Lt. Col. Warlito Limet, patay ang mga biktima matapos masabugan ang sinasakyang starex van ng mga ito sa Barangay Salbu.
Kinilala ng mga otoridad ang mga nasawi na sina Alex Alap Ganoy, Ken Ken Makabangen at Kaloy Makabangen at anak nito.
Dalawa pang pasahero ng van ang sugatan na agad namang isinugod sa Cotabato Regional and Medical Center sa Cotabato City.
Hinihinalang mga miyembro ng Bangsamoro Islamic Freedom Fighters (BIFF) ang nasa likod ng naturang pag-atake.
By Ralph Obina
