2 drug suspect patay sa drug buy bust sa Malolos Bulacan

Dalawang drug suspect ang patay makaraang manlaban sa mga aarestong pulis sa isang buy-bust operation sa Malolos, Bulacan.

Natunugan ng dalawang suspek na kinilala lamang sa mga alyas na Kenneth at Sherwin na pulis ang kanilang ka-transaksyon sa Barangay Bulihan.

Ayon sa Malolos City Police, bumunot ng sumpak si Kenneth habang nagpaputok ng Caliber 39 revolver si Sherwin.

Gayunman, gumanti ng putok ang  mga pulis dahilan naman ng agarang pagkamatay ng dalawang suspek.

Narekober naman sa encounter scene ang mga ginamit na armas nina alyas Kenneth at Sherwin maging ang ilang sachet ng shabu at  marked money.

By: Drew Nacino

Comments

comments