Bahagyang humina ang bagyong Butchoy habang tinutumbok ang Taiwan.
Huling namataan ng PAGASA ang bagyo sa layong 220 kilometro, hilaga-hilagang kanluran ng Itbayat, Batanes.
Taglay ng naturang sama ng panahon ang lakas ng hanging aabot sa 195 kilometro kada oras at pagbugso na aabot ng 230 kilometro kada oras.
Pinalalakas ng bagyo ang hanging habagat na nagdudulot ng malakas na pag-ulan sa Luzon habang kumikilos ito sa bilis na 15 kilometro kada oras sa direksyong kanluran hilagang-kanluran.
Samantala, nakataas ang public storm signal number 2 sa Batanes Group of Islands.
Itinaas naman ang red rainfall advisory dahil sa napakalakas na buhos ng ulan sa Zambales at Bataan; orange advisory sa Cavite at Batangas habang yellow rainfall advisory sa Metro Manila at Pampanga.
By Drew Nacino
