Handa na ang mga opisyal at tauhan ng PNP-AIDG sa anila’y posibleng resbak sa kanila ni Marine Lt. Col. Ferdinand Marcelino.
Gayunman, tiwala ang PNP-AIDG na hindi sila pababayaan ng PNP sa kasong isasampa laban sa kanila ni Marcelino.
Iginiit ni Senior Supt. Leo Suan, Chief of Staff ng PNP AIDG na lehitimo ang ikinasa nilang operasyon kasama ang mga tauhan ng PDEA.
Una nang nagbanta umano ang kampo ni Marcelino na kakasuhan ang mga anito’y nag set up sa kanya matapos makalaya sa bisa ng piyansa kasunod na rin nang pagbasura ng DOJ sa kasong paglabag sa anti drugs law at illegal possession of firearms laban sa kanya.
By Judith Larino