Sinimulan na ng Land Transportation Office (LTO) ang pag-proseso sa mga bagong license plate bago ito ilabas sa publiko.
Pinangunahan ni LTO Chief Roberto Cabrera at Commission on Audit ang pagbubukas at pag-inspection sa 11 container vans na pinaglagyan ng 300,000 plaka ng kotse at 400,000 plaka ng motorsiklo.
Agad na ipinag-utos ng COA ang pagsasagawa ng verification, bar coding at encoding ng mga naturang license plates.
Umaasa si Cabrera na maipapamahagi ito sa loob ng dalawa hanggang tatlong linggo.
Ang unang batch ay ire-release ng mga regional director para sa Region 12 at National Capital Region.
By Jelbert Perdez
